Форум о Грузии

პირველი

მოძრაობა "SOS" ვარდების რევოლუციის მეცხრე წლისთავს აღნიშნავს. FB-გვერდის ადმინისტრატორი თანამოაზრეებსმიმართავს.

:მე მახსოვს 2003 წლის 23 ნოემბერი, შენ? და თუ გვახსოვს, მოდი, ნუ ვიქნებით უმოქმედოდ 2012 წლის 23 ნოემბერს!
დავიცვათ „ვარდების რევოლუციის“ უდიდესი მონაპოვარი - სუვერენული და წარმატებული საქართველო. ერთად აღვნიშნოთ უმნიშვნელოვანესი ეროვნული დღესასწაული!” - წერია SOS-ის ”ფეიჯზე”. ინფორმაციის მიხედვით, ხვალ, 16:00 -ზე „ვარდების რევოლუციის“ მოედნიდან პრეზიდენტის რეზიდენციამდე სიმბოლური მსვლელობა მოეწყობა, აქციის მონაწილეები ვარდებით იქნებიან.

”ხვალ საფუძველს ჩავუყრით ოკუპაციურ-კოალიციური მთავრობის დიქტატორული და მოღალატეობრივი რეჟიმის დასასრულის დასაწყისს! მოძრაობა "SOS" არ აპირებს იყოს უმოქმედოდ, იმოქმედე შენც!” - წერს გვერდის ადმინისტრატორი, რომელმაც ”ფეიჯის” მთავარ ფოტოდ ვარდების რევოლუციის ამსახველი კადრი დადო.

ცნობისთვის, მოძრაობა "SOS" ”ფეისბუქში” ნოემბრის დასაწყისში, ბაჩო ახალაიას დაკავების შემდეგ გამოჩნდა.

”მოძრაობა SOS - ეს არის პატრიოტ ქართველთა გაერთიანება, რომელთათვისაც მთავარია საქართველოს სუვერენიტეტისა და სახელმწიფოებრიობის დაცვა. თანამოაზრეები შემოგვიერთდით!” - წერია გვერდის აღწერაში.

2013 წლის 25 თებერვალს გაიმართება საპროტესტო-სახალხო აქცია რუსეთის მიერ საქართველოს ოკუპაციის დასაგმობად!!!

ამ აქციას არ ეყოლება კონკრეტული ორგანიზატორი, იგი იქნება სრულიად საქართველოს, სახალხო პროტესტი რუსეთის მიერ საქართველოს ოკუპაციასთან დაკავშირებით.

ყველა დაინტერესებულ არასამთავრობო, საზოგადოებრივ ორგანიზაციებს; იურიდულ და ფიზიკურ პირებს, სრულიად საქართველოს მოსახლეობას გთხოვთ, შემოგვიერთიდ და ერთად დავგეგმოთ დაანონსებული ღონისძიება.

დაწვრილებითი ინფორმაცია აქციასთან დაკავშირებით, კონკრეტული ადგილისა და დროის შესახებ, დაიდება ამ ბლოკში!!!

ერთად დავიცვათ ქართული სახელმწიფოებრიობა!!!

მოგეხსენებთა საქართველოს მთავრობის ინიცირებით, იგიგმება საქართველოს ოკუპირებული ტერიტორიების შესახებ კანონში ცვლილებების შეტანა, მისი იმ ნორმის შერბილების მიზნით, რომელიც აწესებს სისხლისსამართლებრივ დევნას საქართველოს სახელმწიფო საზღვრის უკნონოდ გადმოკვეთის ფაქტებზე.
ჩვენ არასამთავრობო ორგანიზაციები მივიჩნევთ, რომ ოკუპირებული ტერიტორიების შესახებ კანონში ცვლილებების შეტანით, საქართველოს პარლამენტი ნაწილობრივ შეასრულებს რუსეთის ხელისუფლების მოთხოვნას. შეგახსენებთ, აღნიშნული კანონის უკანწაღების მოთხოვნით არაერთხელ გამოსულან რუსეთის ოფიციალური პირები, მათ შორის რუსეთის საგარეო საქმეთა სამინისტროს წარმომადგენელი ალექსანდრე ლუკაშევიჩი. მოვიყვანთ მის ერთ-ერთ განცხადებას: „ოკუპირებული ტერიტორიების შესახებ საშინელი კანონი პოლიტიკური ისტებლიშმენტის საუბრის საგანია. დავაკვირდებით, როგორ იმოქმედებს საქართველოს ახალი მთავრობა ამ კანონთან მიმართებაში. ტერმინი "ოკუპაცია" არ არსებობს, არსებობს ახალი დამოუკიდებელი სახელმწიფოები. სხვა საქმეა, რომ სხვებს ეს ახალი რეალობა ჯერ არ გაუცნობიერებიათ. რაც არჩევნების შემდეგ საქართველოში მოხდა, გააზრებას მოითხოვს. ქართველ პოლიტიკოსებს არა მათი განცხადებების, არამედ საქმეების მიხედვით შევაფასებთ". –

მიგვაჩნია, რომ „ოკუპირებული ტერიტორიების შესახებ“ კანონის შერბილება იქნება პირველი მნიშვნელოვანი ნაბიჯი საქართველოს სახელმწიფო ინტერესების დათმობის გზაზე და ის ხელს შეუწყობს ოკუპირებული რეგიონების არაღიარების პოლიტიკსი ჩაშლას.
ამიტომ პარლამენტს მოვუწოდებთ არ დაუჭიროთ მხარი მთავრობის ინიციატივას, არ დააყენონ საქართველოს საკუთარი სასიციცხლო ინტერესების დათმობის გზაზე.
ხვალ 13 საათზე არასამთავრობო ორგანიზაციები სახელმწიფო კანცელარიის შენობასთან გავაპროტესტებთ აღნიშნულ კანონში ცვლილებების შეტანის გეგმას. მოგიწოდებთ ვისთვისაც მნიშვნელოვანია ქვეყნის ტერიტორიული მთლიანობა შემოგვიერთდით!

განცხადებას ხელს აწერენ შემდეგი ორგანიზაციები:
1. მოძრაობა საქართველო ოკუპაციის გარეშე
2. ტოლერანტობის სახლი
3. უფლებების სკოლა
4. ახალგაზრდა მედიკოსთა ქსელი
5. ტოლერამტობა და ადამიანის უფლებები
6. ტურიზმის სოფლის მეურნეობის კვლევითი და გადამზადების ინსტიტუტი
7. ახალგაზრდა სოციოლოგთა და პოლიტოლოგთა კლუბი
8. სამოქალაქო ინიციატივა პრო პატრია
9. სამოქალაქო განვითარების საერთაშორისო ქსელი
10. ეკო ტრანსპორტ ცენტრი
11. ახალგაზრდა ინიციატორთა კლუბი
12. მოძრაობა პატრიოტები
13. საერთაშორისო ალიანსი ახალგაზრდული და სტუდენტური ინტეგრაციისთვის
14. SOS
15. ლაზარე
16. ქალები მწვანე მომავლისთვის
17. უსაფრთხოება თავისუფლებისათვის
18. თავისუფლების და მხარდაჭერის ცენტრი
19. ახალი ხედვა საქართველო – ნიუ ვიჟნ ჯორჯია
20. ქალთა ეროვნული კავშირი – WNU

ქალბატონები და ბატონებო,

1921 წლის 25 თებერვალს საბჭოთა რუსეთის ტოტალიტარულმა რეჟიმმა ადგილობრივი ბოლშევიკი მოკავშირეების ხელშეწყობით საქართველოს ახალგაზრდა რესპუპლიკის დამოუკიდებლობა მოსპო და მოახდინა ქვეყნის სრული ოკუპაცია.
ამის შედეგად ჩვენმა ქვეყანამ დაკარგა სახელმწიფოებრივობა. დამპყრობელმა გაანადგურა საერო და სასულიერო ელიტის, განათლებული, მშრომელი მოქალაქეების მნიშვნელოვანი ნაწილი და ათწლეულების მანძილზე ცდილობდა საქართველოს მოქალაქეებში დამოუკიდებლობისა და თავისუფლებისკენ სწრაფვის ნება ჩაეხშო.
საქართველოს რუსეთის მიერ ოკუპაციამ წარუშლელი დაღი დაასვა ჩვენი ქვეყნის ისტორიას და ხელი შეუშალა მის განვითარებასა და წინსვლას მრავალი წლის განმავლობაში.
ჩვენ, საქართველოს მოქალაქეებს დამოუკიდებლობის დაკარგვის თარიღი არასოდეს არ უნდა დაგვავიწყდეს და გვახსოვდეს, თუ რა რთულია თავისუფლების შენარჩუნება ცვალებად საერთაშორისო რეალიებში.
თანამოქალაქენო, ეთნიკური, რელიგიური და პოლიტიკური თუ პარტიული შეხედულებების მიუხედავად ამ დღეს ჩვენ ყველა ერთად უნდა დავდგეთ, გავიხსენოთ წარსულის ტრაგედია, პატივი მივაგოთ დამყპრობლების მიერ განადგურებულ ადამიანებს და ერთად ვიღვაწოთ, რომ მსგავსი განსაცდელი თავს აღარ დაგვატყდეს აწმყო და მომავალი თაობების კეთილდღეობისთვის.

25 თებერვალს, 14:00 საათზე ყოფილი პარლამენტის შენობის წინ

გამოვხატოთ ჩვენი პატივისცემა დაღუპული ადამიანების ხსოვნისადმი წუთიერი დუმილით და თითოეულმა ჩვენგანმა მივიტანოთ ერთი პატარა ქვა,როგორც სიმბოლო ჩვენი ქვეყნის სიმყარის,სიძლიერის და შენების!

”25 თებერვალს მე ვიგრძენი, თუ როგორ შემოვიდა ტანში მჭრელი მახვილი, რომელიც მას აქეთ დღითიდღე უფრო ღრმად მერჭობა. გაფითრებული ვარ და ტანში მუდმივი ჟრჟოლა მივლის. ეხლა სატევრის წვერი ზედ გულზე მაქვს დაბჯენილი და ვგრძნობ, ოდნავ რომ შევინძრე, ჩამესობა და ისე გამათავებს, რომ გმინვის ამოღებასაც ვეღარ მოვასწრებ.” მიხეილ ჯავახიშვილი

ანსამბლი ერისიონი მოსკოვიდან 11 მარტს ჩამოდის, დავხვდეთ ისე როგორც შეჰფერის ყველა მას, ვინც ჩვენი ქვეყნისთვის დაღუპულთა ძვლებზე შალახოს ცეკვავს!

რუსეთმა უნდა იცოდეს რომ მას აქ დასაყრდენი იმაზე მცირე აქვს ვიდრე ჰგონია. უნდა იცოდეს პუტინმა, რომ მას არ შეუძლია საქართველოს ტერიტორიები დაიპყროს, ქართველი ჯარისკაცები ჩახოცოს, ჩვენი ქალაქები დაბომბოს, და მაინც პურ-მარილით დახვდეს საქართველო მას.

დავანახოთ რომ საქართველო არსებობს, რომ ჩვენ ბევრნი ვართ.
ყველაზე დიდი მტერი შიგნით არსებული კოლაბორაციონალისტები არიან!
მათ არ უნდა იგრძნონ თავი კომფორტულად!

[youtube][/youtube]