[video][/video]

[video][/video]

[video][/video]

აშშ–ის კონგრესის დაზვერვის კომიტეტის უფროსი სამხრეთ ოსეთისკენ რუსეთის ჯარების გადაადგილებას იუწყება

ამერიკის შეერთებული შტატების კონგრესის სადაზვერვო კომიტეტის თავმჯდომარის, კონგრესმენ მაიკ როჯერსის ინფორმაციით, სამხრეთ ოსეთისკენ რუსეთის სამხედრო ძალების გადაადგილება შეინიშნება.

როჯერსი არ გამორიცხავს, რომ ვლადიმირ პუტინი შესაძლოა საქართველოსა და სომხეთში ერთდროულად შეჭრაზე ფიქრობდეს, რათა პირდაპირი კავშირი შექმნას ამ მიმართულებით ირანსა და რუსეთს შორის:

“ამის მიზეზი არ არსებობს იქ, რადგან საქართველოს არმია არავითარ საფრთხეს არ ქმნის. ეს, რა თქმა უნდა, შემაშფოთებელია”, – განაცხადა რესპუბლიკელმა კონგრესმენმა როჯერსმა ფოქსნიუსისთვის მიცემულ ინტერვიუში.

საქართველოს თავდაცვის და შინაგან საქმეთა სამინისტროებში ჯერჯერობით არ აკეთებენ კომენტარს როჯერსის მიერ გავრცელებულ ინფორმაციაზე სამხრეთ ოსეთში რუსეთის ჯარების შეყვანის თაობაზე.

საქართველოს საგარეო საქმეთა მინისტრმა მაია ფანჯიკიძემ გუშინ, 31 მარტს განაცხადა: "რუსეთის მხრიდან თითქოს არსებობს იმის მზაობა", რომ ე.წ. საზღვრებთან პროვოკაციული ქმედებები შეწყდეს. ნეტგაზეთის კითხვას, რა აძლევს მას ამის თქმის საფუძველს, მინისტრმა ასე უპასუხა:

"ჟენევაში შეხვედრა გვქონდა რუსეთის მხარესთან, რომელსაც საგარეო საქმეთა მინისტრის მოადგილე ბატონი კარასინი წარმოადგენს, ჩვენი მხრიდან იქ იყო ბატონი დავით ზალკალიანი, ჩემი პირველი მოადგილე. ეს საუბარი მაძლევს იმის საფუძველს, რომ ვთქვა: არსებობს ასეთი მზაობა", – უთხრა ფანჯიკიძემ ნეტგაზეთს. "ვნახოთ, როგორ განვითარდება მოვლენები", – აღნიშნა მან.

[video][/video]

[video][/video]

ბაჩო ახალაია

მინდა მივმართო ქართველ ხალხს, რომელშიც არ ვგულისხმობ კრიმინალებს, რადგან მათ ეროვნება არ აქვთ და არც V კოლონას, რომლებიც უბრალოდ რუსები არიან.
გულწრფელად ვიტყვი, დღევანდელი გადაწყვეტილება იყო დროული, რადგან უკვე ათეულობით ქართველი პატრიოტი სამარცხვინო და უნამუსო ბრალდებებით კარგა ხანია მსჯავრდებულები არიან, ნამდვილად მირჩევნია ვიყო მათ რიგებში ვიდრე რამე სახით მათგან გამონაკლისი იმ უამრავი გამამართლებელი განაჩენების სახით, რაც აქამდე დამიგროვდა.
სასამართლოს მხრიდან შავბნელი ძალების ბრალდებების უპირობო გაზიარება კი მხოლოდ იმით შეიძლება აიხსნას, რომ საქართველოს რუსული ხელისუფლება ასეთი სიბრიყვით ცდილობს ევროსაბჭოს ცნობილი რეზოლუციის განეიტრალებას, ფიქრობენ რომ ამით მიეცემათ ლეგიტიმური უფლება ღიად მიძახონ დამნაშავე, მაგრამ აქ ახალი არაფერია, ეს ხომ აქამდე ასე იყო.
ამ ორი წლის მანძილზე კი ჩემი მოტივაცია იყო შეცდომაში შეყვანილი ქართველი ხალხისთვის კითხვებზე პასუხის გაცემა, ვფიქრობ ეს მოვახერხე.
თუ ვინმე დღეს ვერ დამეთანხმება, დარწმუნებული ვარ ხვალ გაიზიარებს ჩემს ურყევ შეხედულებას, დღეს სინამდვილეში მიმდინარეობს რუსეთ-საქართველოს ომი სწორედ იმ ფორმით, რასაც ყოველდღე ვხედავთ. ჩვენი ამოცანა ძლიერი ქართული სახელმწიფო და აფხაზეთში დაბრუნებაა, ყველაფერი რაც დღეს ხდება სწორედ ამ ბრძოლას უკავშირდება, რომელშიც ჩვენ მხოლოდ გამარჯვების ვალდებულება გვაქვს და ამ გზაზე ტყვიების თუ ტანკების ძალის ციხით ჩანაცვლება არანაირი დაბრკოლება არ არის.
ხოლო სასამართლო, რომელიც დღეს იმპერიალისტური ძალების იარაღია, შეიძლება კი არის ერთგვარი უნამუსო პრობლემა, მაგრამ მასთან მიმართებაში ჩვენ ყველას შეგვიძლია ჩვენი რეგიონის XX საუკუნის ერთერთი პროგრესული ლიდერის შეხედულება გავიზიაროთ, რომლის მიხედვით თუ უსამართლოდ გექცევა სასამართლო ეს შენი ბრალია, ხოლო ამ უსამართლობის გამომწვევი მიზეზების და მისი აღმსრულებლების გამოსწორებაც შენი ვალია, თავისუფალი მოქალაქის.

საბოლოოდ კი იმას ვიტყვი, ჩვენ ვერაფერი შეგვაჩერებს საქართველოს თავისუფლებისთვის ბრძოლაში, ვერაფერი აგვაღებინებს ხელს სოხუმში დაბრუნებაზე, ვერც რუსული ტანკები და ვერც საქართველოს მოღალატე პოლიტიკოსთა მთელი არმია. წინ მხოლოდ აფხაზეთი იქნება!

[video][/video]

[video][/video]

[video][/video]