მიხეილ ჯავახიშვილი: “წერილი ქალიშვილისადმი”

ჩვენი დროის ათი მცნება
1. შენ ხარ მარადიული, განუყრელი და ერთგული წევრი და მსახური შენი მშობელი საქართველოსი.
2. შენი სამშობლოს მტერი შენი პირადი მტერია, ხოლო მისი მეგობარი, შენი პირადი მეგობარი.
3. ყველაფერი, რაც გაქვს და გექნება, შენი სიცოცხლეც კი, შენს მამულს ეკუთვნის. შენ ხარ მისი მუდმივი მოვალე და განუყრელი შვილი.
4. მიეცი მას წრფელი გულით ყოველივე და ისიც მოგცემს ყოველივეს.
5. მაინც მუდმივ მხოლოდ შენი თავის იმედი იქონიე. ისე იცხოვრე, ვითომ ამ ქვეყნად არც მოვალე გყოლია და არც მშველელი.
6. განაგე თავი შენი და დაუმორჩილე გონებას შენი ჟინი, კერპი გული და ურჩი სურვილები.
7. გზის გაკვლევა და გამარჯვება შეიძლება მხოლოდ შრომით და პატიოსნებით. ზარმაცობა, ცუღლუტობა, სიცრუე და სიყალბე ადამიანს ადრე თუ გვიან უეჭველად დაღუპავს.
8. სანამ საკუთარ ფეხზე არ დამდგარხარ, მშობლებს ყველაფერი დაუჯერე. იმათ შენთვის მხოლოდ სიკეთე უნდათ. ჯერჯერობით საკუთარ ჭკუას, ჟინს და გულის ზრახვას ნუ აჰყვები.
9. თავმოყვარეობა შეიძინე და თავის თავის ფასი ისწავლე, მაგრამ ნუ გადააჭარბებ. არ გაამაყდე.
10. ბოლოს და ბოლოს, ყოველთვის სჯობს სამი რამ: პირველი – შრომა, მეორე – შრომა და მესამე – შრომა.
ზემონათქვამი დაიხსომე და შეითვისე.
შენი მოსიყვარულე მამა, მიხეილ ჯავახიშვილი
გვ.

burusi.

ღირსება ოქროს მედალზე ძვირფასია
11 აპრილი 01:052325



გასული წლის დამლევს ნავარაში მიმდინარეობდა მნიშვნელოვანი შეჯიბრება მძლეოსნობაში. მასში მონაწილეობდნენ მსოფლიოს უძლიერესი სპორტსმენები და მათ შორის კენიელი აბელ მუტაი, ლონდონის ოლიმპიადის ბრინჯაოს პრიზიორი 3000 მეტრზე სირბილში დაბრკოლებებით. თავის საყვარელ დისტანციაზე მუტაი დამაჯერებლად ლიდერობდა ნავარაშიც. მაგრამ დისტანციის დასრულებამდე დაახლოებით ათი მეტრით ადრე კენიელი მორბენალი შეჩერდა, რადგან შეცდომით ჩათვალა, რომ უკვე გადაკვეთა ფინიშის ხაზი. იდგა მუტაი და მადლიერების ნიშნად ტაშის დაკვრით პასუხობდა ესპანელ მაყურებელთა, როგორც მას ეგონა, მილოცვებს - სინამდვილეში კი მისთვის გაუგებარ კარნახს, რომ მას ჯერ ფინიშის ხაზი არ გადაუკვეთავს.

მორბენალს, რომელიც კვალში მისდევდა კენიელს - ესპანელ მძლეოსან ივან ფერნანდეს ანაიას იოლად შეეძლო გადაესწრო მისთვის და პირველი ადგილით დაემთავრებინა რბენა. მაგრამ ამის ნაცვლად მან უბიძგა ზურგში კენიელს და ანიშნა მას, თუ სად იყო ფინიშის ხაზი. ესპანელმა უარი თქვა პირველობაზე და კენიელი გამარჯვებით მიიყვანა ფინიშთან.

როდესაც შეჯიბრების შემდეგ ანაიას ჰკითხეს მისი ქცევის მოტივების შესახებ, 24 წლის ვიტორიელმა ესპანეთის ჩემპიონმა განმარტა: ”მე ძალიან მინდოდა მოგება. მაგრამ მე არ დამიმსახურებია გამარჯვება - ის დიდი სხვაობით მიგებდა და მე ვერ დავეწეოდი, მას რომ არ შეშლოდა. ჩემთვის ღირსება ოქროს მედალზე ძვირფასია. ჩვენ ხომ ვხედავთ რა ხდება ფეხბურთში, საზოგადოებაში, პოლიტიკაში...ადამიანები ხშირად ირჩევენ არასწორ ზნეობრივ მოდელებს. მე მოხარული ვარ, რომ პატიოსანი საქციელი ჩავიდინე”.

http://news.ge/ge/news/story/51491-ghir ... dzvirfasia

”ვინც დასთხევს მისთვის წმინდა სისხლს” უნდა იყოს

არსთა გამრიგემ არ გაიმეტოს
ვინც სამყაროთა თვალის ჩინია.
ადამიანო, შენდა იმედად
ღაღადებს სიტყვა "ნუ გეშინია".

ზეცამ ძუძუდან არ მოგიკვეთა,
ყოველი არსი შენთვის ხმიანობს,
ვაგლახად სასო არ წარიკვეთო,
ვინძლო სული არ დაიზიანო.

ფათერაკს მკერდით დაგაუდექი,
მოძმეთ იმედი არ წარუხოცო,
ადამიანო, იყავ უდრეკი,
იყავ უშიში, ვითა უხორცო.

სტიქიონების ველურ თარეშში
სულის სიმტკიცე გმართებს მალული,
რადგან ვაჟკაცურ გზნების გარეშე,
არ არის ქვეყნად არც სიყვარული.

როცა წინასწარ თქმული ახდება,
როცა სამყარო ფაფარს აიშლის,
განსაცდელს მშვიდად თუ არ დახვდები,
როგორ იწოდო პირმშო ქარიშხლის.

ნაჭუჭის კაცად ნუ გადიქცევი,
თორემ დინება წაგლეკს, გაგრიყავს,
სტიქიის რისხვას თუ გაექცევი,
რაღას დააკლებ ცხოვრების გრიგალს.

უტეხი რწმენით შენ არ წაწყდები,
დააცხრობ ღელვას, დათრგუნავ ქარებს,
სად თანაგრძნობა ვერას გახდება
იქ თავგანწირვა გაგიღებს კარებს.

[video][/video]

Nodar Koberidze
საქართველოს სახელმწიფოს და მაშასადამე ქართველ ერს სამი ძირითადი მტერი ჰყავს-პირველი: რუსული "დერჟავა", მეორე-რუსული მართლმადიდებელი ეკლესია და მესამე-ქართველი რენეგატები, ამ უკანასკნელს ქამელეონზე ძლიერი გარდასახვა შესძლებია! გარდასახული კი თავს ისე წარმოაჩენს ვითარცა სამშობლოსათვის თავგადადებული ყარიბი ვინმე. და მართლაც დღესდღეობით ჩაგდებული აქვთ რა სახელმწიფოს მართვის სადავეები, ეკლესიაში მოკალათებულ რუსეთუმე კლერიკალებთან ერთად სულ "იავნანა-ვარდონანას" ძახილით ცივ სამარეში ისე ავანებენ მთელ ნაციას, რომ იგი გონს ვერ მოსულა. დააკვირდით, დააკვირდით ვისაც ჯერ კიდევ შერჩენია გონება -დ ა ა კ ვ ი რ დ ი თ- ქართული სახელმწიფოს აკვანი ისე გამალებით ირწევა, რომ ბრჭყვიალა დაპირებებით გაბრუებული ქვეყანა"ნირვანას კომაში" ჩავარდნილა, არადა ეს "სიბრჭყვიალე" უბრალო ბიჟუტერიაა და არა უძვირფასესი თვალ-მარგალიტი,თუმცაღა საუბედუროდ ამის დანახვის უნარი დაჰკარგვია ზომბად ქცეულ ქართველობას და სულ ოსანას ძახილით მიჰყვებიან გამყინვარების ჯოჯოხეთში ამ მარადიულ მოღალატეებს!

ისმინეთ ქართველებო და იფიქრეთ! და იბრძოლეთ!

[video][/video]

დიმიტრი უზნაძე: რა აკლია ქართველობას



ქართველს აკლია “დაჟინებითი მისწრაფება ერთხელ დასახული მიზნის განხორციელებისაკენ, რომელსაც ვერავთარი დაბრკოლება და სიძნელე ვერ სპობს; მუდმივი, დაუღალავი შრომის უნარი, თავდავიწყებითი ჭაპანის წევა… პატარა საქმეების ისეთივე სერიოზულობით კეთება, როგორც დიდი საქმეებისა…
ქართველ ხალხს ეს თვისება არ აქვს. მისი გული და მისი ნება ჰარმონიულად ფეთქს. გული აინთება-ნებაც მოქმედებს, მაგრამ გული მალე ცივდება და ნების მაჯისცემა უმალვე წყდება. იშვიათია ჩვენში ისეთი ადამიანი, რომელიც ენერგიის გამძლეობის მხრივ საგრძნობლად არ კოჭლობდეს.
პატარა საქმეები ჩვენს გულს არ ანთებენ და უამისოდ კი ჩვენი ნება არ იძვრის; დიდი საქმეები კი გვაფეთქებენ, მაგრამ გული მანამდე ცივდება, სანამ საქმე სრულქმნის დონეს მიაღწევდეს, და გულთან ერთად ნებაც დუნდება და დაწყებული საქმე ანაზდად წყდება… ამიტომ არის, რომ ჩვენი არსებობის ნიადაგს ჩვენვე ვანიავებთ და ბედნიერი მეტოქესთან ბრძოლაში მუდამ ვმარცხდებით. …
საკუთარ საქმეს კი გამბედაობა და ინიციატივა ეჭირვება და ჩვენს ხალხს ეს აკლია; უამისობაა, რომ ჩვენ სხვის საწველ ფურად გვაქცევს და საკუთარ დოვლათს სხვების საკეთილდღეოდ გვადებინებს. აქტიური ხასიათი, ძლიერი ნება – აი, რა აკლია ქართველობას და ჩვენი აღზრდის სისტემაც მარტო აქეთ უნდა იყოს მიმართული.
ჩვენ მუდამ უნდა გვახსოვდეს, რომ გლახები და მონები იმიტომ კი არა ვართ, რომ ღატაკნი ვართ, არამედ ღატაკნი მიტომ ვართ, რომ გლახები და მონები გახლავართ, და თუ რამ გვჭირია, ყოვლის უწინარეს, აქტიური ხასიათია ჩვენთვის საჭირო”.

http://matiane.wordpress.com/2013/05/27 ... georgians/

წამებულ გმირის, შალვა თათუხაშვილის ხსოვნას
ალეკო კვახაძის ლექსი

[video][/video]

ეხ, მართალია.