ქუთაისშიც ყოფილა დაპირისპირება

[video]https://www.facebook.com/video/embed?vi ... 1217451488[/video]

ვნახე გუშინ.შედარებაც არაა თბილისის მოვლენებთან...

[video][/video]

გია ნოდია: 17 მაისს ეკლესიამ გააკეთა განაცხადი, რომ ის არის ახალი „მხედრიონი“

“17 მაისს ეკლესიამ გააკეთა განაცხადი, რომ ის არის ახალი „მხედრიონი“, ოღონდ უკეთ ორგანიზებული. მამაოები უნდა იყვნენ უბნის მაყურებლები, რომლებიც, ადგილობრივ კაი ბიჭებთან თანამშრომლობით, პალაჟენიეს დააყენებენ. ვინც არ დაემორჩილება, თავს დააბრალოს. (აქ საინტერესო პერსონაჟია ნანა კაკაბაძე, რომელიც ისტორიულ და დღევანდელ „მხედრიონს“ აერთიანებს. თუმცა, ეს დეტალია)”,- ასე ეხმაურება სოციალურ ქსელში განვითარებულ მოვლენებს გია ნოდია.
როგორც ნოდია facebooks-ის საკუთარ გვერდზე წერს, კრიმინალებმა და „ძველმა ბიჭებმა“ თანმიმდევრულად მოახდინეს ეკლესიის ინფილტრაცია და მას შიგნიდან დაეპატრონენ.
”ახლა ამ ორგანიზაციის რესურსებით და გარეთ დარჩენილ „სოციალურად ახლობელ“ ჯგუფებთან თანამშრომლობით უნდათ თავისი მიზნების მიღწევა. მე არ ვამბობ, რომ ეს ვინმეს მიერ წინასწარ ჩაფიქრებული გეგმა იყო – მაგრამ ასე კი მოხდა.
ეს არის პირდაპირი და უკვე შეუნიღბავი გამოწვევა სახელმწიფოს მიმართ. პარალელი დღევანდელ ხელისუფლებასა და შევარდნაძეს შორისაც არსებობს. ჯაბა იოსელიანი სულ ახსენებდა შევარდნაძეს, ჩემი მოყვანილი ხარო. დღეს მამაოებსაც აქვთ პრეტენზია, რომ „ოცნება“ მათ მოიყვანეს, ამიტომ ბიძინა ივანიშვილმა მათ უნდა დაუჯეროს და არა ევროპას, უსუფაშვილს და ალასანიას. ეს 17-ში პირდაპირ უთხრეს. თავისი გადასახედიდან, მთლად მტყუანები არ არიან.
შევარდნაძემ ბოლოს და ბოლოს აჯობა „მხედრიონს“ – და ეს დარჩა მის ყველაზე დიდ ისტორიულ დამსახურებად საქართველოს წინაშე. ესმის თუ არა ივანიშვილს, რომ ეკლესია სახელმწიფოსაც და პირადად მის ძალაუფლებასაც საფრთხეს უქმნის და მან მას თავისი ადგილი მიუჩინოს, რაც არ უნდა რთული იყოს ეს? თუ პირიქით, ეკლესიურ მხედრიონს აქეზებს და მაქსიმალურად იყენებს „ნაციონალური მოძრაობის“ ბოლომდე გასათელად, მერე კი თუნდაც ქვას მოუთოვია? აი, ეს კი არ ვიცი”,- წერს ნოდია.

http://newsplus.ge/?p=13426

ლგბტ პირს თბილისში თმაზე ცეცხლი წაუკიდეს და სცემეს

არასამთავრობო ორგანიზაცია „იდენტობა“ ავრცელებს ინფორმაციას, რომ თბილისში, ლგბტ ადამიანების მიმართ მასობრივი ტერორი დაიწყო. ორგანიზაცია ძალადობის ფაქტებს, 17 მაისს აქციის დარბევაზე შს სამინისტროს მხრიდან უმოქმედობას უკავშირებს. „იდენტობას“ განცხადებას უცვლელად გთავაზობთ:

„17 მაისს განვითარებული მოვლენების შემდეგ, საქართველოს ხელისუფლება მხოლოდ რამდენიმე განცხადებით შემოიფარგლა. არ მომხდარა სამართლებრივი დარღვევების გამოვლენა და აღკვეთა. დაუსჯელობა კიდევ უფრო ახელებს ძალადობისკენ მომართული ადამიანების თვითნებობას და კანონსაწინააღმდეგო ქცევას.
ლგბტ ადამიანების უსაფრთხოება თბილისის ქუჩებში თუ სხვა საზოგადოებრივი თავშეყრის ადგილებში დღემდე საფრთხის წინაშე დგას.

ორშაბათს, 12 საათისთვის „იდენტობასთვის“ ცნობილი გახდა ძალადობის შემდეგი შემთხვევების შესახებ.

1. ა.-ს (კაცი) „შხარასთან“ საღამოს 17-ში დახვდნენ ბიჭები, მან თავი მოაჩვენა, რომ უცხოელი იყო. თუმცა ვერ შეძლო მოძალადეთა შეჩერება. ის ადგილზე ჯგუფურად სცემეს. ამის შემდეგ ა.-ს 18 მაისს ბუკიას ბაღში დაუხვდნენ და ჰომოფობიური შეურაცხყოფების ფონზე თმებზე ცეცხლი წაუკიდეს. 19 მაისს, ა.-ს კუს ტბაზე დახვდა ახალგზრდათა ჯგუფი და ის კიდევ ერთხელ გახდა ფიზიკური ძალადობის მსხვერპლი.

2. „იდენტობას“ თანამშრომელ ქალს მაკდონალდსთან ეჯახებოდა ჯიპი. მან შეძლო დარტყმის თავიდან აცილება. თუმცა მძღოლმა მას სიტყვიერი შეურაცხყოფა მიაყენა სექსუალური ორიენტაციის ნიადაგზე და საცემად გამოიწია. მდგომარეობა ახლოს მდგომმა ტაქსისტებმა განმუხტეს.

3. 17 მაისს დ.-ს და თ.-ს (გოგოებს) ქაშვეთის წინ 3 საათზე გაეკიდა ადამიანთა დიდი ჯგუფი. ისინი დაიჭირეს და სასტიკად ცემეს.

4. მოძალადეთა ჯგუფს „პოპულში“ შეასწრო „იდენტობას“ ორმა წევრმა (ქალი და კაცი). მხოლოდ ომბუდსმენის და ელჩების მისვლის შემდეგ შეძლო პოლიციამ დაზარალებულთა გამოყვანა.

5. 18-ში, 6 საათისთვის ნ.-ს (ქალი) მგზავრობდა სამარშუტო ტაქსით, მარჯანიშვილის მეტროსთან ახალგაზრდათა ჯგუფი მას მარშუტკიდან ჩამოყვა, ქურდულად გაურჩია საქმე. ერთ-ერთმა ორჯერ მოუქნია ხელი დასარტყმელად. ნ-მ პატრული გააჩერა. საპატრულო პოლიციამ ნ. შემთხვევის ადგილიდან გაცილა, თუმცა დამნაშავეების დაკავებას არ შეეცადა.

6. 18 მაისს დაახლოებით დღის 2 საათზე, დ.-ს და ჰ.-ს (ქალები) დაედევნა რამდენიმე ახალგაზრდა მამაკაცი სიტყვებით „შეხედე ბიჭო მკერდი არ აქვს, პიდარასტი იქნება“. ისინი ფიზიკურად შეურაცხყვეს და დაკბინეს. დ.- ყვიროდა „გოგო ვარ, თავი დამანებეთო“, მაგრამ მაინც ცემდნენ. დ. საერთოდ არ მოდიოდა აქციაზე. ის რუსთაველის მეტროდან ამოვიდა და ფილარმონიის მისამართით აპირებდა გადაადგილებას მეგობართან ერთად. არცერთი გოგონა „იდენტობას“ აქტივისტი არ არის.

7. ლესბოსელ გოგონას სკოლის დირექტორი სკოლიდან გარიცხვით ემუქრება და კლასის წინაშე ლანძღავს.

8. ზოგადად, თანამშრომლებს უჯანყდებიან მეზობლები, ოჯახებში მიდიან და მორალს უკითხავენ. იქცევიან აგრესიულად.

„იდენტობა“ ითხოვს საქართველოს შინაგან საქმეთა სამინისტრომ გამოავლინოს 17 მაისსა და მის შემდგომ მომხდარი ძალადობის შემთხვევების მონაწილე პირები და აღკვეთოს სამართალდარღვევის ფაქტები. დაუსჯელობა ზრდის საქართველოს მოქალაქეთა ჯანმრთელობის დაზიანებისა და სიცოცხლის ხელყოფის საფრთხეს“.

http://politico.ge/index.php/news/view/ ... zMfyd.dpuf